Gedicht



Mir "Holzs(ch)töckler"

Mir send genau so domm ond gscheit,
it mender wia de andre Leit - -,
moischt, daß mir an dr Weihong
no bittet om Verzeihong,
weil mir etwa am End
überhaupt gebora send?

Em Gegadoil mir send drauf schtolz
ond send no aus'ma gueta Holz,
a bißle harzig, a wen'g rauh -
ond aschtig sem mr machnmol au - -,
's ka aber jeder komma,
nadierlich "seddige" ausgenomma:

Dia wo da Grend so grausig schtellet,
dia wo was Bessere sei wellet,
dia wo no moinet, mir vom Land,
mit hettet weniger Verschtand,
dia hant, des schreibsch Dr hender d' Aohra,
au en de "Holzs(ch)töck" nix verlaora!

Kurt Köder, Mundartdichter aus Staig
Maskenzunft d' Holzstöckler Staig e.V.
www.holzstoeckler.de